3rad am Start
m: leming, t: toubi/leming
wär isch da am start?
wär isch underwägs?
3rad isch am start!
mit em gepäck voller Täxt
chlebet dir im ohr
so wie harz oder dräck
sind beständig ohni endig
üs nöd ds losä wär verschwendig
well üsi reims hebäd einiges länger als än eastpak
wenn ihr das nöd wönd glaubä
werdäts mir oi ez bewiisä
1. üsi reims sind zu kompakt
dass si würdät rissä
2. sind mir resistent
mir chönd uf oi meinig schissä
3. mir sind ebä drüürad
und üs chamä hald nöd schlissä
4. sind kein ettiketteschwindel
nei mir wönd nöd bschissä
well mir sind orginal
erfrischäd maximal
s'rad üsi Rune
mir sind drü a dä zahl
üse name bringt erstuhne
mir sind drü-rad
lune - vo de natur
chömed mol oder dur
sind im loot wie e schnur
mitmä gwicht unädra
mir sind wiän äs rad
ständig in bewegig
text mönd rund si
das isch üsi überlegig
keis ohr wird wund si
denn die reims sind jo nöt eggig
jedä reim muss bunt si
das isch üsän grundsatz
und so au d usanz
vo all üsäm tuä
also luägäd zuä
wiä mir wiänä 8er bahn
mal abä - mal uä
mal links - mal rechts
mit äm beat flüssät
und gar keim wirds schlächt
wills alli gnüssäd
diä reis uf üsäm rapfluss
will er chunt fett plus
voller wilde wirbel
frech wie so en zwirbel
am familiefescht
mached mir de tescht
präsentieräred üsi war
wiänän händler am bazar
und wenn dä scheiss oi gfallt
findet mir das wunderbar
refrain: (2x)
leming und toubi vo drürad
übernämmäd s`stürrad
nämäd oi mit uf diä chrüüzfahrt
echt - kein ufwand isch üüs zhart
damits au allnä würkli gfallt
- wird a nüt gspart. Yeah
au ohni wissi chitel
machäd mir wüsseschaft
gwüssehaft erschlüssed chraft
us üsere erfahrig
kombinieret üsäs wüssä
zu därä bsundere paarig
vo 3 neophile
nöd bim alte verwile
wömmer aso gömmer
ständig witer noch vorn
wiched ab vo de norm
dänkäd sältä a geschter
sonder meischtens a morn
luägäd oft i zuäkunft
luägäd das äs guät chunt
findet dspur wiänän bluäthund
und zwar mit Konsequenz
mir brauäd än essenz
us drü element
leming toubi metrik
eiled vorus ohni hektik
eifach ganz entspannt
rollämär mir durs ganzä land
gebäred seeläverwandt
tracks ohni weehä
voll bis an rand
gfüllt mit ideeä
konstruieräd
mir äs fahrzüüg
mitdrä drüklang sirene
rasäd mit däm vehikel
direkt i dini venä
mit reims so sinnvoll
wiäs denä vo dä senä
vor sportlicher betätigung
und wenn ihr däzuä bounced
isch das für üs bestätigung
mir sind nöd uf äm holzwäg!
das macht üs zu stolzä
mc`s, mir findäts voll zwäg
vo oi das äs probs git
und nur für oi älei
haltäd mir üs topfit...
refrain: (2x)
leming und toubi vo drürad
übernämmäd s`stürrad
nämäd oi mit uf diä chrüüzfahrt
echt - kein ufwand isch üüs zhart
damits au allnä würkli gfallt
- wird a nüt gspart. Yeah
walkman
m: leming, t: leming, toubi
refrain:
mit em walkman am ohr chunts mir fascht ase vor
- als wär ich nume bsuecher - uf dere welt... (2x)
leming:
...doch was zehlt isch und blibt
s'dynamit für mini ohre
unverfrohre wies de özi gern wär blibe
dur d'strosse laufe find i gedige
han gad bock uf was smoovs
griff zruck uf sepalot groovs
mixtape nr. 4
womit ich huus um huus passier
atme tüf i und jedi süessi
melodie stimmt mi i uf summer
gspüre es bassgewummer a mir durezieh
glaub die lernets nie die harlekins
wende mi nume ab und grins
ab dem übertribe tunete auto
s'isch doch genau so wies de Y het gseit
nüt isch schwerer als d'liechtigkeit
weniger isch meh sött dem typ z'denke geh
de L.E--M.I.N.G hets scho gnueg gseh
und winkt nume ab
lach mir d'rab scho lang nüme schlapp
laufe witer d'stross durab
gseh es paar chinder uf em trottoir spiele
und merk die hends mit fantasie und so no voll dine
s'glicht in art + wis wie ich nosinne
mit hilf vo chopfhörer
bin en vertüfte zuehörer
und ewige beobachter
leschär-beat-achter
noch groove trachter
sinn au zwüsched ziele verfrachter
drum losed s'isch min trick
indem i witer im takt nick
und uf achse blibe,
beendi au mini letschte ziele...
refrain:
mit em walkman am ohr chunts mir fascht ase vor
- als wär ich nume bsuecher - uf dere welt... (4x)
toubi:
...en usserirdische uf enre expedition
reise ich uf de musig, ton um ton
tönts us de chopfhörer a mis trommelfell
mol langsam, mol schnell
rite ich uf dä wälle
schwäbä ich mit de frequenze,
wo sich ergänzed
zumne lied, wo mich wiegt, wenn ich im zug sitz
gsehne andri gsichter und die sind trurig,
gstresst, verbitteret oder agressiv
so selte es lächle und das macht mi depressiv,
und drum senk ich min blick, konzentrier mich uf de sound
wo mich uf reise schickt, und mer mini sorge raubt
melodie so vertraut inre welt - wommer mengisch
afach fremd isch - wo sich z'schnell bewegt und das ständig
isch de walkman fü mi di optimali therapie
geg die monotonie, geg de alltagstrott
und was ich alltag wot,
sind mini hörer uf em chopf, well denn isch all de lärm so fern
so wit eweg, s'intressiert mich d'zit en dreck
han en walkman im gepack wo mich d'zit vergesse loht
wo mich devor bewahrt, das mich de stress erschloht
well denn vergiss ich alles um mich ume,
schlüsse mini auge und wend mis gsicht richtig sunne
refrain:
mit em walkman am ohr chunts mir fascht ase vor
- als wär ich nume bsuecher - uf dere welt... (4x)
rauch & schall
m: leming, t: toubi
Strophe 1
sisch aläs Rauch und Schall
höchä Uufstiig, tüüfä Fall
ä Komödiä überall
dämlichs Gschnorr und blöds Glall
doch mir haltäd üsän Ball
spilläd üsäs eignä Spiil
und zwar nach eignä Reglä
mitläufer gits vill zvill
doch mir lönd üs nöd benäblä
träffäd immer üsäs Ziel
wiä d’Chegel bim cheglä
oder s’Loch bim Billiard
chömäd wiänän Hammerwerfer
nämlich HAMMERHART.
unufhaltsam uf äm Wäg nach obä
wiänän Stabhochspringer
gömmer niämals uf dä Bodä
wiänän Profischwinger.
unbeiirbar wiänän Speer uf sim Flug
flügäd mir über s’Meer vo Intrigä und Betrug.
-Yeah!-
vilicht stönd mer mal im Abseits
und liidät under Schlappheit
doch ez mal churz und knapp gseit
mir sind au Tag und Nach breit.
bi dä Dopingkontrollä würdäd mir dä Highscore hole
doch zum Glück macht mä i däm Biz
mit Drogä na Cholä.
s'isch truurig - ich weiss - aber wahr
schiesslich chunt mä hützutags id Charts
mit mä Joint und verfilztä Haar.
däzuä ä Hand voll Tittä
än Satz breiti Reifä
amä tüüfergleitä Schlittä
zwo, drü Stoffstreifä
uf brunbrännter Huut
Text nöd verständlich
däfür dä Bass gnuäg luut
BUUUM, BUUUM!
s'isch mer glich wär ez buuht
und seit ich seg prüde
will uf guät Düütsch gseit:
DER GANZE SCHEISS MACHT MICH MÜDE!
ich hans ächt pappsatt
alläs so flach und platt
Imitation anstatt
Innovation - schachmatt!
s’Läbä rosarot und glatt
richtig agnehm
flauschig bequem
und niä äs Problem
im Portmonnaie gruusig Stutz
und än vollbusigä Futz
im Zwo-Meter-Himmelbett
und än Pimmel so fett
wiänän Mammutbaum
s'isch aläs Rauch und Schall
Illusion und Traum
und dä Aafang vom Zerfall.
refrain:
für die meiste isch es musig
für mich isch es drama
well vieli spucket raps (...) wien es lahma
damit sich das ändret bütet mir üsi war a
nämlich text mit wiitsicht à la panorama (2x)
Strophe 2
all diä billig Maskeradä
isch für mich wiä Paradä
und nu mit gnuäg Alkohol
bröckläd langsam diä Fassadä.
drum dröhnäd ihr oi so oft voll
machäd ain uf Rock’n Roll
Fühläd oi däbi so toll
geg ussä cool, geg innä hohl.
aber ächt - im Glichschritt
machäd er allä Shit mit
und falls mal öpis nois git
ischs für ali grad dä Hit
nüt vo Bedüütig
Massäusbüütig
nüt meh mit Charakter
nu immer abgfuckter.
uf dä Suächi nach äm Flash
konsumieräd ihr doch Trash
unächt wiänäs Mash im Haar vonrä Tussy
und öpä so lebendig wiänä VIBRAPLASTIKPUSSY
und wenn ihr das jez nöd verstönd
will ihr a sottig Parties gönd
do dä Kack so richtig dröhnt
und Britney Spears us Boxä stöhnt
ihr zu Popstarsliädär singed
zu Shakira d’Hüftä schwingäd
uf dä Bühni umäspringäd
und oi i Extasä bringäd
zu dä Charts - numä s'beschtä
und säb chunt vom wiitä Weschtä
Schwiizär Rap, Herrje Nei!
Text isch eh einerlei
ENGLISH IS A COOL LANGUAGE!
viläs reimt sich döt uf Bitch
all dä Pseudogangschterkitsch
isch für mich än riisä Witz
und ä Schand für d’Rapkultur
ich bruch kei Schmuck
mag HipHop pur
ohni Schickimicki-Züüg
wo verbländät, wo s’Bild trügt
vom echtä, wahrä HipHop-Kult
und i gib am Shitpop d schuld
für dä stetigi Zerfall
will was diä meiste da verzelläd
isch ja eh nu Rauch und Schall...
refrain:
für die meiste isch es musig
für mich isch es drama
well vieli spucket raps (...) wien es lahma
damit sich das ändret bütet mir üsi war a
nämlich text mit wiitsicht à la panorama (4x)
offshore
m: leming, metrik, ruedi t: metrik
1. strophe:
ig bi ender nachdänklech - säge när nid ig has klar gwüsst
und letschtändlech isches ja nid z schiksau wo mi da küsst aber ig fa afa wüsse
es bi ja ig wo entscheide
und o wenn ig z risiko iga zumene spätere zytpunkt
wieder z entgleise, ig weiss es, und glich versteisches
muess dir nüt erkläre wüu du weisches scho vorhär
treisch mini gedanke uf rose und ig cha froh si – nur wohär
wo blibt bloss die
chtigkeit wo mi treit für z läbe ha immer gmeint ig suechi vergäbe
merke dass ig wieder einisch bi drnäbe gläge
weiss dass ig nid kläglech versäge sueche haut eifach uf umwäge
aber dir chani das ja stumm säge wüu grundsätzlech
luege mir engang stundelang id ouge
und wüsses ohni z erfahre mir chöi enang vertroue
wot iz nid uf sand boue aber es isch scho ungloublech
e verbindig wo entsteit
es gfüehl macht sich breit und ig weiss doch ou nid obs mit treit
dini art isch so zart und filigran
läbesmuet aus fortbewegigsmittu für d outofahrt näme mir di smart
dr wind i dine haar ader outobahnraststette
die botschafte i dim blick - versteckschse und glich heschse mir klar gä
muess mi fescht astränge dass ig au die sache wieder cha wahrnä
bi immer wieder erstuhnt, wie du uf mi igeisch
und au die sache wo du mir mitteusch und ohni wort z säge glich seisch
refrain:
tropf für tropf verschwindet hie im süesswasser
konture löse sich i öufarb uf mit eleganz
vermischt sich und lat sich sanft la verblasse
und us dr distanz vernimme ig sinnlechi sounds
sie maut es biud imene chleid wo zeichnet
es entsteit e siluette es wird nid z dick uftreit
fantasie wärde erweckt und biuder gmale
und erinnerige lö eim la tröime fürne ehwigkeit
2. strophe:
mir dräie mitenang im kreis
luegsch mi a – lachsch mi a - ig warte bis du di häreleisch
mi mitziesch hocke zäme ufem stei
luege wie z kursschiff düregeit, füresteit und im churztrip – verbigleitet
lege vo hinger mini arme um di
es wird warm und het charme die ganzi gschicht
die farb vo däm summer zeigt sich schlicht
pastell im astrich, exotisch im gschmack und erotisch im iblick
kulisse äxtra ufgsteut für das stück
unds ufgeit, süess im buget, gniesse jedi minute
fliesse mit dir mit und versueche
dr gschmack la z entfaute - merke geng wie viu dä enthautet
das z erfahre isch unzaubar
berüersch mi wie side im wind - empfindlech
füehle mi geborge - sinnlech - nöi gebore
gspürsch mi innerlech innig vergisse mini sinne
es passiert aus i mir und dir inne lö aus la rinne
faue is wasser und blibe dinne
wärde rascher d zyt geit a üs verbi
und glich verpasse mir nüt auso chum mir lös la si
mir si zytglich glichschnäu dänke nur a di
zytrüm vor wäut die giute nid mir si z höch und z schnäu
lege üsi tröim is zäntrum steue keini frage näme tag für tag wiener chunt
gniesse dr momänt wüus schüsch zytlech id ehwigkeit nid längt
mir hei nüt verdrängt wüu dr umstang zwüsche üs scho längt
i däm umfang
was morn isch und geschter isch gsi interessiert mi nid
bewegsch di mit mir du bisch o so bi mir
refrain:
tropf für tropf verschwindet hie im süesswasser
konture löse sich i öufarb uf mit eleganz
vermischt sich und lat sich sanft la verblasse
und us dr distanz vernimme ig sinnlechi sounds
sie maut es biud imene chleid wo zeichnet
es entsteit e siluette es wird nid z dick uftreit
fantasie wärde erweckt und biuder gmale
und erinnerige lö eim la tröime fürne ehwigkeit
3. strophe:
mir lige näbenand wie im sand ig wot nieme ufstah
tagelang chum gib mir dini hand ig zeige dir aruba
luegsch mi a, längsch mi fin a gspüre dini hut da
z wasser perlt liecht über di buch ab
dr gruch vo dine haar ig bruche nüm angers die situation hie
isch unnahbar unbeschribbar
i schnide dir es stück vo dere frucht ab
mir hei tusegi vo frage trotzdäm nüt isch unklar
ig gspüre di atem
e huch vo dir aus erschte schritt es lache
unterbrichsch die stimmig mit dim blick redsch körpersprach
es brucht keis wort beförderisch üs ane ort
i mache das wa de wosch - i bi dr hörig - es isch nüt verbote
wüus eifach schön isch
bis di buch a mim chläbt ig bruche nüm bis uf das läbe
wies nüm angers gäbt
ghörsch das wasser die stiui
fa afa taschte raschte fiumrif
färnab vo laschte das spiu hie lege viu dri es wird miud wie
e summerräge üsi körper nass - e wasserfau wo entspringt hie
flüge geng wie schneuer d füechtigkeit lauwarm es wird heuer
mir si zäme da fö langsam afa schwäbe näbu bausam
flüge ar sunne entgäge aus wird mitzoge – undüdlech
gseh die insu iz vo obe
360 grad glücklech
lege wieder zur landig a bis mir wieder am strand lige wie am afang
du sanft mit dire hand über mis gsicht abfahrsch
ire wäut us badeschum – hei dräit die wäut überhoupt no
i glaubes chum
refrain: (2x)
tropf für tropf verschwindet hie im süesswasser
konture löse sich i öufarb uf mit eleganz
vermischt sich und lat sich sanft la verblasse
und us dr distanz vernimme ig sinnlechi sounds
sie maut es biud imene chleid wo zeichnet
es entsteit e siluette es wird nid z dick uftreit
fantasie wärde erweckt und biuder gmale
und erinnerige lö eim la tröime fürne ehwigkeit
freiheit
m: leming, t: leming, toubi
refrain:
gspührsch du dä luftstrom - wo dir is gsicht weiht?
säg mer gsesch du dä mond - wo sis eige gwicht treit?
ey fühlsch du de ton - wo das gedicht saiit
jo dänn weisch du das sich’s lohnt - will du weisch du bisch frei!
leming:
die einzig ischränkig isch die vom geist
und meist isch die schwär z’überwinde
chraftzerrend wie sprinte
du sitzisch i de tinte und folgsch enre finte
wenn du dir selber dini träum chlausch
und noch de massstäb von anderne bausch
sig din eigene baumeister
du ahnsch das die macht hesch
wette du weisch no
wie das früener gmacht hesch
mit hilf vo vorstelligs-chraft
scheissegal hends die rundume nöd grafft
lueg bloss wie chraftlos
ohni astoss ez vor di hi läbsch
und näbscht job und firobigbier
isch nöd viel los bi dir
doch egal zu wellnä zeite
s’isch nie eifach eigeti wäg z’beschrite
tritt en schritt noch hine und tue di nomel besinne
i weiss du wötsch entrinne us dem chreislauf
und machts mol klick i dir
entchunsch dem ganze scheiss au
i schlüsse mini auge - schnufe tüüf + langsam
will i will gnau gseh - jez won i empfang han
chan i d’illusion LÄBE vergesse
stattdesse will i e wiili
go abschwäbe, ligge denäbe
aber d’sicht tuet sich kläre
schwäb i andre sphäre
öffne mis dritte aug
weiss nöd was es taugt
innerhalb dem regelwerk z’verwile
will mit jeder witere ziele
was sii wird apiele – bestimmt kein harte ma spiele
doch die ganzi konsorte ächli afiele
spiel die motzend erschti arschgiege
um eu chli us de reserve z locke
schwer verdaulich wie en herte brocke
wönd eu uf üsi färte locke
und s’bewerte blocke
guet – schlecht, fair – ungrecht,
original – unecht, überwachig oder grundrecht
alles e frog vo de sichtwis, und well i tolleranz i dem gedicht pris
und mich schichtwis ad freiheit kämpfe han i debi kai bedenke
refrain:
gspührsch du dä luftstrom - wo dir is gsicht weiht?
säg mer gsesch du dä mond - wo sis eige gwicht treit?
ey fühlsch du de ton - wo das gedicht saiit
jo dänn weisch du das sich’s lohnt - will du weisch du bisch frei!
toubi:
und du lahsch di eifach triibä
du flüssisch mit dä strömig
s’gediegnä wird scho siegä
s’isch am gutätä sini chrönig
i finds voll i ornig
wenn ä mal ä pausä machsch
wenn ussert äm gäld
a nüt meh anders glaubä chasch
dänn tuäsch mer scho no leid
doch ich han der scho verzeiht
will i weiss du bisch es leid
und bisch langsam doch bereit
i ghörä doch din schrei
du wotsch usä us däm gfängnis
wo seit was freiheit heisst
däbi ischäs ä bedrängnis
wo dir uferleiht
wiä du dich söllsch verhaltä
dis läbä du söllsch gstaltä
dini gfühl sind gspaltä
und drum muäsch si du verwaltä
muäsch diä eintä unterdrückä
bissisch öft uf zäh
will di öfters mal muäsch bückä
d’gsellschaft figgt di ohni rücksicht
wenn ka leistig bringsch
will numä so wirsch glücklich
was nöd grad nach frei si klingt
du häsch vilicht häs handy und bisch absolut mobil
doch bisch gfangä im system und chasch nirgendwo hi
will damit du dir diä freiheit überhaupt chasch leistä
muäsch di an än job bindä släbälang wiä diä meistä
und somit isch das ganzä paradox
will vor luuter konsum
nümä gnau weisch was wotsch
dänn – nu mit nike chasch frei si
d’illusion - nur schwärlich - ertrei si
mich nach ihrä richtä? ja nei sie
si isch teigig wiä leisi
kitschig wiä barbie
übertribä farbig wiä smarties
Doch lah di nöd tüschä
s’isch aläs nur kulissä
nur für churzi ziit gnüssä
chasch s glück us dä chischtä
Läb liäbär dini eignä träum
schöpf us ihnä dini chraft
Und wenn’s stürmt dänn glaub a si
statt a 3wättär-taft
refrain:
gspührsch du dä luftstrom - wo dir is gsicht weiht?
säg mer gsesch du dä mond - wo sis eige gwicht treit?
ey fühlsch du de ton - wo das gedicht saiit
jo dänn weisch du das sich’s lohnt - will du weisch du bisch frei!
merci: erika+sepp eugster, milight, anja samartin, h.l.v.s., hinterhaus, zimmer40, matthias schranz - el mundo, familien steinmann, keller-blaser und hänni, nordsite, demjenigen, der dies jetzt liest, jack wins the day, jeri, stefan zimmermann, rashit, karin zahnd, spongebob schwammkopf, swingset, fourtail, beat jaussi & felicia di sunno, thomas ribar, philip keusen, pädi neeser (A.I.B.)
old beats done justice - hier lebt francis knight seine beat-nostalgie aus seinen anfängen aus und wird ihnen gerecht mit raps wie er sie heute flasht. Check it! M.Soundnomad von 3rad
Made up of samples gathered during their tour of the world, “Kingdoms in Colour” is Maribou State at their kaleidoscopic best. Bandcamp Album of the Day Sep 11, 2018
The great Cat Temper does it again! 10 more synthpop bangers with titles like “Growls on Film” and “Electric Pawpurrella.” Instant classic. Bandcamp New & Notable Mar 11, 2023
Here kitty, kitty! The synthwave genius returns with a whole new batch of hooky, metal-edged songs that are more fun than a ball of yarn. Bandcamp New & Notable Jun 11, 2022