soundnomad:
i möcht dir gern erchläre wi wichtig mer bisch
mis läbä wär so einsam - danke dass do bisch
i teile mit dir alles und du losisch so guet zue
und das mir üs nöd verlüret giz es app dezue

d zuekunft stoht i de wolke - nöd i de sterne
sind im datenäbel und du chasch di nöd entferne
interessiersch di nur für mi und mini asichte
willsch vo mir wüsse was i denke und was i so brichte

hange a dir dra - du bisch für mi do
cha ka langwili ha well du würsch mi nie verloh
ich ich ich asoziali medie
stande i de schlange und surf dur fremdi ferie
ich ich zeige dir de finger
de tume luegt gäg ufe und döt blibt er denn für immer

finde alli site vo dir geil well di geizisch nöd mit reiz
überfluetisch mi bereits am sunntig mit de morgesunne
ligge mit de datekrake uf de lake ume
und streichle über dis antliz dini werbig di isch kann witz

sondern persönlich gmeint
kennsch mini vorliebe mini usrichtig
üsi beziehig di isch jo so vilschichtig

oh like me please - oh bitte bitte like me, like me
oh like me please - oh bitte bitte like me, like me

toubi:

Ha immer nume sunneschii
Super Summer mit de homies Dune sii
immer a de sunne sii
Ich am Strand und im Club
I fremdem Land und super druff
Ich im sand und im suff
Ich im pub und vorem puff
Ich am esse ich am fäschtä
Instagram hebets fest
Noi schueh noi täschä
Ich besitze nume sbescht
Teil mi ständig mit
Teil mit oi jedä shit
Teil mit oi jede Schritt
Geil mi uf a jedem Klick
-
Will zeige dämit
Dass mi git
Dass i existier
Oi kommentär mis läbänselixier
polier
Mis digitale Spiegelbild
Online bini chillt, bini wild
Und ohni sorge
Da Hani immer ferie
Und parties bis am morge
I will die helschti sunne si
Am Facebook-Firmament
Ufm internetcatwalk
Willi dass me mi erkennt
Will lüchte wienen Stern
I de blogosphäre
Grossartigi geistesblitz
Pauselos gebäre
Bin s.twitter-gewitter
Mitme riise Hashtag
-
Mit dem ich jede Trash tag
Wott online en Gott si
Für jedes foti
Da wotti
Vo allne globt si
Hochglanzstimmig
Ja das willi
Immer schön lächle
Ja nöd grimmig
Min avatar perfekt
Will dä trimmi
Doch ich hock älei dihei
Und langsam verschwindi...

Und langsam verschwindi...

Und langsam verschwindi...