///11 nachkomme (manoo ft. 3rad)//

thomson manoo:
cheap - cheap, packet eui nötli und chärtli
haube priis - priis, essigsuuri tonärde, brötli und chäsli
bim mi – migros si die priise n`ä frächheit
dasses dene ider kriise um kei priis – priis schlächt geit
ey, d faxe dick vo däm kackspiiu
dr marcel wot glich viu sackgäud und chriegsspiiu
wie die angere kids
..wot i mc`, schoggi, macbook pro, coci, pokemon und
dolce gabbana
i dr mittagszyt im coop
d karavane dr lade überschwemmt
we die ganze aute seck letargisch ihres münz zeue,
dr wäg versperre, nastüecher füre näme, usrüefe
wäg de superpünkt – auso ehrlech
ey, die hätte doch dr ganz tag zyt
.. louft ihri zyt ab gits gäud
so loufts uf dere schisswäut
mir chöis nid ändere we die angere nüt mache
und die angere mache nüt, das weiss `mä
schu sit lengerem
die tote gäbe gäut
när nimmt `mäs vode läbige
mit lottogwinn und erbschaft uf`ne angeri äbeni
d sarah list z wendy – wot zur wiehnacht es pony
dr bou-bou-head zaut; willkomme in hollywood
lease, schiesse, chleider choufe wäg de priise,
i garte schiisse, erfolge fiire dank de liche
glichzytig jammere wäg dr wirtschaftskriise
mit nur eim problem si aues armi sieche – yep

was macht dr dänu? – geit uf d bank ga chole hole
und dr chrigu? – geit uf d bank ga chole hole
was macht dr moritz? - geit uf d bank ga chole hole
und we dä tot isch – de chöme sini nachkomme

was macht de d anna? - geit uf d bank ga chole hole
und d franziska? - geit uf d bank ga chole hole
was macht de d doris? - geit uf d bank ga chole hole
und we die tot isch – de chöme ihri nachkomme

soundnomad:
fritig und zitig tippt de toni totto zahle
sind trurige alltag bereitet ihm quale
er isch blank - und mues uf d bank go chole hole
will d chole usm stole hole chan em gstohle blibe
er chas nüme erlide
het langsam ka bock me
immer nu handzahm de schrott ne
betribige chopfweh
er will en solide flatscreen
es paar rössli bolide
gogä gummi ufribe
e viplounge bi yb
stattdesse gits finanziel eis ufd fresse
vom stüramt de billag undre politesse
das isch en opus au an obolus
uf dem globus chunsch nüm ohni us
wer de franke nöd ehrt
isch voll chrank und verchehrt
drum säg i danke! allne politiker und banke
und au de förderländer fürs öl zum tanke
bitte! chöntsch dini fahne mol mitneh
han der ka münz und erscht recht ka kippe
hole chole winke dir mit em honegger
nume d helvetia goht mir uf de wegger
hole chole, am liebste violetti
aber nime au 10x giacometti
verprass milione und es paar zerquetschti
solangs mer guet benim mi wi de letschti

was macht dr dänu? – geit uf d bank ga chole hole
und dr chrigu? – geit uf d bank ga chole hole
was macht dr moritz? - geit uf d bank ga chole hole
und we dä tot isch – de chöme sini nachkomme

was macht de d anna? - geit uf d bank ga chole hole
und d franziska? - geit uf d bank ga chole hole
was macht de d doris? - geit uf d bank ga chole hole
und we die tot isch – de chöme ihri nachkomme

toubi:
monetä monetä
für dsnobs und proletä
schnäll in usverchauf
dä rest isch scho detä
än stetä verglich
wer isch arm wer isch rich
uf dä jagd nachem gäld
sind doch ali glich
skonsum paradies
für dä kreditparasit
will jedä wot än playboy
oder superstar si
a-a-ais riisä gaudi
paradä vo audis
f-frauä mit gucci armani
ali drägät dick uf
wiä d.monika belucci
doch dörfsch nöd bluut sii
nöd s.wahrä gsicht zeigä
definiersch di über wahrä
tuesch di mit markä
schicht um schicht chleidä
drum wönd ali bling bling
und das gschwind gschwind
will mer in sache gäld
all wie chlini chind sind
immer immer na meh immer na meh
verdiänä gwünnä - neh
zum s.verbruchä zum chaufä
zum geh
für dä lebensunterhalt und
für d.grundnahrigsmittel
feriä, stürä
und für markäartikel
und wenn d brüälisch
will dis läbä grad chüäl isch
knack dis sparschwein
hol liäbi vom wüähltisch
well mit geld chasch alles ha
au wenn der kei müäh gisch
d.schnäpli holsch nu
wenn ohni skrupel und gnueg früä bisch
und wenn der d.mittel fähläd
zum richtig däbi d.zsi
entspann di nimms easy
s.git ja na leasing

was macht dr dänu? – geit uf d bank ga chole hole
und dr chrigu? – geit uf d bank ga chole hole
was macht dr moritz? - geit uf d bank ga chole hole
und we dä tot isch – de chöme sini nachkomme

was macht de d anna? - geit uf d bank ga chole hole
und d franziska? - geit uf d bank ga chole hole
was macht de d doris? - geit uf d bank ga chole hole
und we die tot isch – de chöme ihri nachkomme