falls mer denand nonig kenned
do isch de nomad
sound im grind
radio leider so fad

finde vili finde finde finde jo scho recht
chinde sind mol bitte ruhig s wird mer zmol no schlecht
finde finde finde fründe finde vili
finde immer neui teil im puzzlespili

du nimmsch es ernst und dir en huufe use
i find du nervsch - hindergohsch dini muse

setze sätz wie es piano - dasch akkordarbeit
blibe dä wo es lächle trotz allne sorge treit
schrite us um de blues use z fordre
setz dir silbe is ohr um dis trüebsal z morde

das lächle uf dim gsicht isch vilicht en afang
d zit isch hektisch - s herscht ständige aadrang
stand us de schussbahn use und los uf dini inneri stimm
z letscht entscheidisch du über sinn und unsinn



s isch vilicht jo vil schlichter als me meint
eis und eis git am end no immer zwei
schriit din wäg ignorier was me seit
schritt für schritt find din eigene style

s isch vilicht jo vil schlichter als me meint
eis und eis git am end no immer zwei
schriit din wäg ignorier was me seit

toubi:

die welt isch komplett
vernetzt
du bisch entwurzlet
entsetzt
fragsch di was ez
ez schalt ab din fernseh dis radio dis smartphone
schalt ab sisch so eifach
uf was wartsch na
schalt ab din pc din drucker din bildschirm
schalts eifach mal ab wenn der die ganzi sach z.wild wird
schalt ab din laptop, d.lampe und d.xbox
renn nöd dur fiktifi wältä
stattdesse sitz doch
eifach i de ächtä
und start doch
en blindflug - wirsch gseh
wirsch in fahrt cho

"please turn off all your electronic devices"

uf e ganz anderi art
mit ganz anderne sinn
du sitzisch im dunkle
doch das isch nöd schlimm
will ganz, ganz, ganz liislig
da setzt de beat ii
setzt vo wiit i
chunt nöcher und stricht di
über d.nase s.muul und d.ohre
sisch nöd chalt
doch s.hät di na nie so gfrohre
die wabbernde kläng
träged di uf ihrne händ
sisch der nöd fremd
das gefühl nei das kennsch
fühlsches eifach nüme oft,
dass d.musig din chopf
tropf um tropf füllt
wienen topf
mir formet wort um wort
zu kontroverse verse
hefted üs konservebands a d.verse
und zwar luut
äs chunt d.hüehnerhuut
din blues
chasch entsorge
mach dir kei sorge
befrei di vo chette
und fessle
d.musig de schlüssel
wo di vor settige deppe retted
wo di mir rat schlönd
wo labberet
und di nöd gah lönd
aber das macht nünt
übertönets gschrei
ufm schlachtfeld
mitem schlagzüüg
und mit donnernde schachzüg. BOOOM!

s isch vilicht jo vil schlichter als me meint
eis und eis git am end no immer zwei
schriit din wäg ignorier was me seit
schritt für schritt find din eigene style

s isch vilicht jo vil schlichter als me meint
eis und eis git am end no immer zwei
schriit din wäg ignorier was me seit